ਜਗਮੀਤ ਸਿੰਘ ਨੇ ਮੈਂਬਰ ਪਾਰਲੀਆਮੈਂਟ ਵਜੋਂ ਚੁੱਕੀ ਸੰਹੁ

Prabhjot Kaur
1 Min Read

ਓਟਵਾ:ਨਿਊ ਡੈਮੋਕਰੈਟਿਕ ਪਾਰਟੀ ਦੇ ਆਗੂ ਜਗਮੀਤ ਸਿੰਘ ਨੇ ਪਾਰਲੀਆਮੈਂਟ ਮੈਂਬਰ ਵਜੋਂ ਸੰਹੁ ਚੁੱਕ ਲਈ ਹੈ। ਜਗਮੀਤ ਸਿੰਘ ਨੇ ਫਰਵਰੀ ‘ਚ ਬ੍ਰਿਟਿਸ਼ ਕੋਲੰਬੀਆ ਦੇ ਸਾਊਥ ਬਰਨਬੀ ਤੋਂ 39 ਫ਼ੀਸਦੀ ਵੋਟਾਂ ਨਾਲ ਜ਼ਿਮਨੀ ਚੋਣਾਂ ਜਿੱਤੀਆਂ ਸਨ ਤੇ ਹੁਣ ਜਗਮੀਤ ਸਿੰਘ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਸਿੱਧੀ ਬਹਿਸ ਕਰ ਸਕਣਗੇ ਐਨਡੀਪੀ ਦਾ ਕਹਿਣਾ ਹੈ ਕਿ ਜਗਮੀਤ ਸਿੰਘ ਪਹਿਲੇ ਅਜਿਹੇ ਜਾਤੀਗਤ ਪਾਰਟੀ ਆਗੂ ਹਨ ਜਿਹੜੇ ਹਾਊਸ ਆਫ ਕਾਮਨਜ਼ ਵਿੱਚ ਬੈਠਣਗੇ।

Image result for jagmeet singh sworn

ਦੱਸ ਦੇਈਏ ਅਕਤੂਬਰ 2017 ਵਿੱਚ ਟੌਮ ਮਲਕੇਅਰ ਤੋਂ ਪਾਰਟੀ ਦੀ ਵਾਗਡੋਰ ਸਾਂਭਣ ਤੋਂ ਬਾਅਦ ਤੋਂ ਲੈ ਕੇ ਹੁਣ ਤੱਕ ਉਹ ਅਜਿਹਾ ਨਹੀਂ ਕਰ ਸਕੇ ਸਨ। ਇੱਕ ਬਿਆਨ ਵਿੱਚ ਜਗਮੀਤ ਸਿੰਘ ਨੇ ਆਖਿਆ ਕਿ ਹੁਣ ਉਹ ਆਪਣੇ ਨਵੇਂ ਅਹੁਦੇ ਦੀ ਵਰਤੋਂ ਲਿਬਰਲ ਸਰਕਾਰ ਉੱਤੇ ਕਿਫਾਇਤੀ ਘਰਾਂ ਨੂੰ ਯਕੀਨੀ ਬਣਾਉਣ ਤੇ ਡਾਕਟਰੀ ਨੁਸਖੇ ਵਾਲੀਆਂ ਦਵਾਈਆਂ ਦੀਆਂ ਕੀਮਤਾਂ ਘਟਾਉਣ ਲਈ ਵਰਤਣਗੇ।

Image result for jagmeet singh sworn
ਉਨ੍ਹਾਂ ਇਹ ਵੀ ਕਿਹਾ ਕਿ ਬਚਪਨ ਵਿੱਚ ਉਨ੍ਹਾਂ ਕਦੇ ਇਸ ਮੁਕਾਮ ਤੱਕ ਪਹੁੰਚਣ ਦੀ ਕਲਪਨਾ ਵੀ ਨਹੀਂ ਸੀ ਕੀਤੀ। ਉਨ੍ਹਾਂ ਅੱਗੇ ਆਖਿਆ ਕਿ ਉਹ ਐਨਡੀਪੀ ਦੇ ਮਰਹੂਮ ਆਗੂ ਜੈੱਕ ਲੇਯਟਨ ਦੇ ਪਿਆਰ, ਆਸ ਤੇ ਸਕਾਰਾਤਮਕਤਾ ਦੇ ਸੁਨੇਹੇ ਨੂੰ ਅੱਗੇ ਵਧਾਉਣ ਲਈ ਵਚਨਬੱਧ ਹਨ।

- Advertisement -

 

 

 

Share this Article
Leave a comment