ਸਰਕਾਰੀ ਹਸਪਤਾਲ ਨੇ ਔਰਤ ਦਾ ਗਲਤੀ ਨਾਲ ਕੀਤਾ ਕੈਂਸਰ ਦਾ ਇਲਾਜ, ਕੀਮੋਥੈਰੇਪੀ ਤੋਂ ਬਾਅਦ ਆਈ ਰਿਪੋਰਟ ਦੇਖ ਉੱਡੇ ਹੋਸ਼

TeamGlobalPunjab
2 Min Read

ਕੋਟਯਮ: ਕੇਰਲ ਦੇ ਇੱਕ ਸਰਕਾਰੀ ਹਸਪਤਾਲ ‘ਚ ਲਾਪਰਵਾਹੀ ਦਾ ਬੇਹੱਦ ਗੰਭੀਰ ਮਾਮਲਾ ਸਾਹਮਣੇ ਆਇਆ ਹੈ। ਪ੍ਰਾਈਵੇਟ ਲੈਬ ਦੀ ਰਿਪੋਰਟ ‘ਚ ਔਰਤ ਨੂੰ ਕੈਂਸਰ ਹੋਣ ਦੀ ਗੱਲ ਸਾਹਮਣੇ ਆਈ ਜਿਸ ਤੋਂ ਬਾਅਦ ਡਾਕਟਰਾਂ ਨੇ ਉਸਦੀ ਕੀਮੋਥੈਰੇਪੀ ਕਰ ਦਿੱਤੀ। ਪਰ ਉਸ ਤੋਂ ਬਾਅਦ ਜਦੋਂ ਸਰਕਾਰੀ ਹਸਪਤਾਲ ਦੀ ਰਿਪੋਰਟ ਆਈ ਤਾਂ ਪਤਾ ਚੱਲਿਆ ਉਸ ਨੂੰ ਕੈਂਸਰ ਹੀ ਨਹੀਂ ਸੀ। ਔਰਤ ਦੀ ਸ਼ਿਕਾਇਤ ਤੋਂ ਬਾਅਦ ਕੇਰਲ ਦੇ ਸਿਹਤ ਮੰਤਰੀ ਕੇਕੇ ਸ਼ੈਲਜਾ ਨੇ ਜਾਂਚ ਦੇ ਆਦੇਸ਼ ਦਿੱਤੇ ਹਨ।
Woman Wrongly Diagnosed With Cancer
ਅਧਿਕਾਰੀਆਂ ਨੇ ਕਿਹਾ ਕਿ ਔਰਤ ਦੀ ਹਸਪਤਾਲ ‘ਚ ਕੀਮੋਥੈਰੇਪੀ ਦਾ ਇਲਾਜ ਇੱਕ ਪ੍ਰਾਇਵੇਟ ਲੈਬ ਦੀ ਰਿਪੋਰਟ ਦੇ ਆਧਾਰ ‘ਤੇ ਸ਼ੁਰੂ ਕੀਤਾ ਗਿਆ, ਜਿੱਥੇ ਉਸਨੇ ਸੈਂਪਲ ਦਿੱਤਾ ਸੀ। ਮਵੇਲਿੱਕਾਰਾ ਦੀ ਰਹਿਣ ਵਾਲੀ ਔਰਤ ਨੇ ਕਿਹਾ ਕਿ ਉਸਦੀ ਛਾਤੀ ‘ਚ ਗੱਠ ਨੂੰ ਲੈ ਕੇ 28 ਫਰਵਰੀ ਨੂੰ ਹਸਪਤਾਲ ਦੇ ਜਨਰਲ ਸਰਜਰੀ ਡਿਪਾਰਟਮੈਂਟ ਵਿੱਚ ਇਲਾਜ ਚਲ ਰਿਹਾ ਸੀ। ਇੱਥੇ ਉਸਦੇ ਸੈਂਪਲ ਲਏ ਗਏ ਅਤੇ ਟੈਸਟ ਲਈ ਉਸ ਨੂੰ ਸਰਕਾਰੀ ਅਤੇ ਪ੍ਰਾਇਵੇਟ ਲੈਬ ‘ਚ ਭੇਜ ਦਿੱਤਾ ਗਿਆ।
Woman Wrongly Diagnosed With Cancer
ਪ੍ਰਾਈਵੇਟ ਲੈਬ ਦੀ ਰਿਪੋਰਟ ਤੋਂ ਉਸਨੂੰ ਕੈਂਸਰ ਹੋਣ ਦੀ ਗੱਲ ਪਤਾ ਲੱਗੀ ਤੇ ਰਿਪੋਰਟ ਦੇ ਮਿਲਦਿਆਂ ਹੀ ਡਾਕਟਰਾਂ ਨੇ ਉਸਦਾ ਇਲਾਜ ਸ਼ੁਰੂ ਕਰ ਦਿੱਤਾ। ਜਦੋਂ ਦੋ ਹਫਤੇ ਬਾਅਦ ਸਰਕਾਰੀ ਹਸਪਤਾਲ ਦੀ ਰਿਪੋਰਟ ਆਈ ਸਭ ਦੇ ਹੋਸ਼ ਉੱਡ ਗਏ ਜਿਸ ਤੋਂ ਪਤਾ ਲੱਗਿਆ ਉਸ ਨੂੰ ਕੈਂਸਰ ਹੀ ਨਹੀਂ ਸੀ। ਇਸ ਤੋਂ ਤੁਰੰਤ ਬਾਅਦ ਹੀ ਡਾਕਟਰਾਂ ਵੱਲੌਂ ਕਿਮੋਥੈਰੇਪੀ ਦੀ ਪ੍ਰਕਿਰਿਆ ਰੋਕ ਦਿੱਤੀ ਗਈ ਤੇ ਓਨਕੋਲੋਜੀ ਵਿਭਾਗ ਨੇ ਉਸਨੂੰ ਵਾਪਸ ਜਨਰਲ ਸਰਜਰੀ ਵਿਭਾਗ ਨੂੰ ਟਰਾਂਸਫਰ ਕਰ ਦਿੱਤਾ। ਜਿੱਥੇ ਉਸ ਦੀ ਛਾਤੀ ਦੀ ਗੱਠ ਕੱਢਣ ਦਾ ਇਲਾਜ ਹੋਇਆ। ਪ੍ਰਾਇਵੇਟ ਲੈਬ ਵਿੱਚ ਜੋ ਸੈਂਪਲ ਟੈਸਟ ਕੀਤੇ ਗਏ, ਉਸ ਦਾ ਪ੍ਰੀਖਣ ਦੁਬਾਰਾ ਸਰਕਾਰੀ ਹਸਪਤਾਲ ਤੇ ਤਿਰੂਵਨੰਤਪੁਰਮ ਦੇ ਖੇਤਰੀ ਕੈਂਸਰ ਕੇਂਦਰ ( ਆਰਸੀਸੀ ) ਵਿੱਚ ਹੋਇਆ। ਦੋਵਾਂ ਹੀ ਰਿਪੋਰਟਸ ‘ਚ ਸਾਹਮਣੇ ਆਇਆ ਕਿ ਔਰਤ ਨੂੰ ਕੈਂਸਰ ਨਹੀਂ ਸੀ।
Woman Wrongly Diagnosed With Cancer
ਇਸ ਤੋਂ ਬਾਅਦ ਔਰਤ ਨੇ ਲਾਪਰਵਾਹੀ ਦਾ ਦੋਸ਼ ਲਗਾਉਂਦੇ ਹੋਏ ਇਸ ਮਾਮਲੇ ਦੀ ਸ਼ਿਕਾਇਤ ਸਿਹਤ ਮੰਤਰੀ ਨੂੰ ਕਰ ਦਿੱਤੀ। ਔਰਤ ਨੇ ਇਹ ਵੀ ਕਿਹਾ ਕਿ ਉਸਨੂੰ ਹਸਪਤਾਲ ‘ਚ ਗਲਤ ਇਲਾਜ ਦੇ ਕਾਰਨ ਕਈ ਗੰਭੀਰ ਸਾਇਡ ਇਫੈਕਟਸ ਦਾ ਵੀ ਸਾਹਮਣਾ ਕਰਨਾ ਪਿਆ। ਮੰਤਰੀ ਨੇ ਸਰਕਾਰੀ ਮੈਡੀਕਲ ਕਾਲਜ ਦੇ ਪ੍ਰਿੰਸੀਪਲ ਨੂੰ ਮਾਮਲੇ ਦੀ ਜਾਂਚ ਸੌਂਪਣ ਦਾ ਆਦੇਸ਼ ਦਿੱਤਾ ਹੈ।

Share this Article
Leave a comment