• 7:51 am
Go Back
Mahindra Fiat

ਯੂ. ਐੱਸ ਇੰਟਰਨੈਸ਼ਨਲ ਟ੍ਰੇਡ ਕਮਿਸ਼ਨ (ਆਈ. ਟੀ. ਸੀ) ਨੇ ਕਿਹਾ ਕਿ ਉਹ ਮਹਿੰਦਰਾ ਐਂਡ ਮਹਿੰਦਰਾ ਦੇ ਬਣਾਏ ਗਏ ਆਫ ਰੋਡਰ ਵ੍ਹੀਕਲ ROXOR ਦੀ ਜਾਂਚ ਕਰਨ ਜਾ ਰਹੀ ਹੈ। ਕਮਿਸ਼ਨ ਨੂੰ ਇਸ ਸਬੰਧ ‘ਚ ਫਿਏਟ ਕ੍ਰਿਸਲਰ ਆਟੋਮੋਬਾਈਲ ਤੋਂ ਸ਼ਿਕਾਇਤ ਮਿਲੀ ਸੀ ਕਿ ਇਸ ‘ਚ ਜੀਪ ਦੇ ਡਿਜ਼ਾਈਨ ਦੇ ਇੰਟਲੈਕਚੁਅਲ ਪ੍ਰੋਪਰਟੀ ਰਾਈਟ ਦੀ ਉਲੰਘਣਾ ਕੀਤੀ ਗਈ ਹੈ। ਕਮਿਸ਼ਨ ਨੇ ਦੱਸਿਆ ਕਿ ਉਹ ਇਸ ਵਾਹਨ ਦੇ ਖਿਲਾਫ ਪੇਟੈਂਟ ਨਾਲ ਜੁੜੀ ਹੋਈ ਜਾਂਚ ਕਰੇਗਾ।

ਕਮਿਸ਼ਨ ਨੇ ਕਿਹਾ ਕਿ ਸ਼ਿਕਾਇਤ ‘ਚ ਕਿਹਾ ਗਿਆ ਹੈ ਕਿ ਅਮਰੀਕਾ ‘ਚ ਕੁਝ ਅਜਿਹੇ ਵਾਹਨ ਵੇਚੇ ਜਾ ਅਤੇ ਇੰਪੋਰਟ ਕੀਤੇ ਜਾ ਰਹੇ ਹਨ ਜੋ ਫੀਏਟ ਕ੍ਰਿਸਲਰ ਦੇ ਟ੍ਰੇਡਮਾਰਕ ਦੀ ਉਲੰਘਣਾ ਕਰਦੇ ਹਨ। ਕਮਿਸ਼ਨ 45 ਦਿਨਾਂ ‘ਚ ਇਹ ਜਾਂਚ ਪੂਰੀ ਕਰ ਲਵੇਗਾ। ਮਹਿੰਦਰਾ ਆਟੋਮੋਟਿਵ ਨਾਰਥ ਅਮਰੀਕਾ ਦੇ ਵਾਈਸ ਪ੍ਰੈਜ਼ੀਡੇਂਟ ਰਿਸ ਅੰਸੇਲ ਨੇ ਕਿਹਾ ਆਈ. ਟੀ. ਸੀ ਨੇ ਸੰਕੇਤ ਦਿੱਤੇ ਹਨ ਕਿ ਉਹ ਫੀਏਟ ਕ੍ਰਿਸਲਰ ਦੀ ਸ਼ਿਕਾਇਤ ‘ਤੇ ਜਾਂਚ ਸ਼ੁਰੂ ਕਰੇਗੀ। ਨਾਲ ਹੀ ਉਹ 2009 ‘ਚ ਹੋਏ ਸਮੱਝੌਤੇ ਤੇ ਜਾਂਚ ‘ਤੇ ਇਸ ਦੇ ਪ੍ਰਭਾਵ ਨੂੰ ਵੇਖੇਗਾ। ਉਥੇ ਹੀ ਇਸ ਮਾਮਲੇ ‘ਤੇ ਫਿਏਟ ਕ੍ਰਿਸਲਰ ਦੇ ਵੱਲੋਂ ਬਿਆਨ ਨਹੀਂ ਆਇਆ ਹੈ।

ਪਿਛਲੇ ਮਹੀਨੇ ਮਹਿੰਦਰਾ ਨੇ ਫਿਏਟ ਕ੍ਰਿਸਲਰ ਦੁਆਰਾ ਕੀਤੀ ਪੇਟੇਂਟ ਦੇ ਉਲੰਘਣਾ ਦੀ ਸ਼ਿਕਾਇਤ ਨੂੰ ਆਧਾਰਹੀਨ ਦੱਸਿਆ ਸੀ। ਮਹਿੰਦਰਾ ਨੇ ਕਿਹਾ ਕਿ ਕੰਪਨੀ ਤੇ ਕੰਪਨੀ ਦੀ ਨਾਰਥ ਅਮਰੀਕਨ ਯੂਨਿਟ ਨੇ ਆਈ. ਟੀ. ਸੀ ‘ਚ ਪਬਲਿਕ ਇੰਟਰੈਸਟ ਸਟੇਟਮੈਂਟ ਦਾਖਿਲ ਕੀਤੀ ਸੀ, ਜਿਸ ‘ਤੇ ਮਿਸ਼ੀਗਨ ਕੋਰਟ ‘ਚ ਸੁਣਵਾਈ ਸ਼ੁਰੂ ਹੋ ਗਈ ਹੈ। ਇਹ ਸੁਣਵਾਈ ਫੀਏਟ ਕ੍ਰਿਸਲਰ ਦੇ ਨਾਲ 2009 ‘ਚ ਹੋਏ ਡਿਜ਼ਾਈਨ ਐਗਰੀਮੈਂਟ ਨੂੰ ਲੈ ਕੇ ਹੋ ਰਹੀ ਹੈ।

Facebook Comments
Facebook Comment