• 5:21 am
Go Back

ਮਾਛੀਵਾੜਾ: ਪਹਿਲੀ ਜੂਨ ਤੋਂ 10 ਦਿਨਾਂ ਲਈ ਪੂਰੇ ਭਾਰਤ ਭਰ ਵਿੱਚ ਕਿਸਾਨਾਂ ਵੱਲ਼ੋਂ ਸ਼ਹਿਰਾਂ ਨੂੰ ਸਬਜ਼ੀ ਤੇ ਦੁੱਧ ਬੰਦ ਕਰਨ ਦਾ ਫੈਸਲਾ ਪੰਜਾਬ ਦੀਆਂ ਕਿਸਾਨਾ ਜੱਥੇਬੰਦੀਆਂ ਨੇ ਵੀ ਲਾਗੂ ਕੀਤਾ। ਜਿਸ ਤਹਿਤ ਅੱਜ ਸਵੇਰੇ ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ ਦੇ ਆਗੂਆਂ ਨੇ ਮੰਡੀ ਤੇ ਬਾਜਾਰ ਦਾ ਤੂਫਾਨੀ ਦੌਰਾ ਕੀਤਾ। ਇਸ ਦੌਰਾਨ ਕਿਸਾਨ ਆਗੂਆਂ ਨੇ ਮਾਛੀਵਾੜੀ ਮੰਡੀ ਵਿੱਚ ਛਾਪਾ ਮਾਰ ਕੇ ਆੜਤ ਦੀਆਂ ਦੁਕਾਨਾਂ ਤੋਂ ਸਬਜੀ ਨੂੰ ਚੁੱਕ ਕੇ ਕੈਂਟਰ ਭਰ ਲਿਆ। ਇਸ ਸਬਜੀ ਨੂੰ ਕੈਂਟਰ ਵਿੱਚ ਭਰ ਕੇ ਮਾਛੀਵਾੜਾ ਦੇ ਗੁਰਦੁਆਰਾ ਚਰਨ ਕਮਲ ਸਾਹਿਬ ਵਿਖੇ ਪਹੁੰਚਾਈ ਗਈ।
ਦੂਜੀ ਘਟਨਾ ਵੀ ਮਾਛੀਵਾੜੇ ਸ਼ਹਿਰ ਦੀ ਹੈ, ਜਿੱਥੇ ਲੋਕਾਂ ਦੇ ਘਰਾਂ ਵਿੱਚ ਦੁੱਧ ਪਾਉਣ ਜਾ ਰਹੇ ਦੋਧੀ ਨੂੰ ਕਿਸਾਨਾਂ ਵੱਲੋਂ ਘੇਰ ਕੇ ਦੁੱਧ ਢੋਲ ਦਿੱਤਾ ਗਿਆ ਹਲਾਂਕਿ ਦੋਧੀ ਉਸਦਾ ਦੁੱਧ ਨਾ ਡੋਲਣ ਦੇ ਤਰਲੇ ਪਾ ਰਿਹਾ ਸੀ। ਪੰਜਾਬ ਰਾਜ ਦੁੱਧ ਉਤਪਾਦਕ ਸਹਿਕਾਰੀ ਸਭਾਵਾਂ ਸਕੱਤਰ ਯੂਨੀਅਨ ਨੇ ਪੰਜਾਬ ਭਰ ਵਿੱਚ ਦੁੱਧ ਉਤਪਾਦਕ ਸਹਿਕਾਰੀ ਸ਼ਭਾਵਾਂ ਬੰਦ ਕਰਨ ਦਾ ਫੈਸਲਾ ਕੀਤਾ।
ਅੰਮ੍ਰਿਤਸਰ ਦੀਆਂ ਮੰਡੀਆਂ ‘ਚ ਸਬਜ਼ੀਆਂ ਨਾ ਮਿਲਣ ਕਾਰਨ ਲੋਕ ਖੱਜਲ ਖ਼ੁਆਰ ਹੋ ਰਹੇ ਹਨ| ਬੀਤੀ ਸ਼ਾਮ ਤੋਂ ਹੀ ਲੋਕਾਂ ‘ਚ ਸਬਜ਼ੀਆਂ ਸਟੋਰ ਕਰਨ ਲਈ ਭੱਜ-ਦੌੜ ਕੀਤੀ ਜਾ ਰਹੀ ਹੈ। ਲੋਕਾਂ ਵੱਲੋਂ ਵੀ ਸਰਕਾਰ ਤੋਂ ਕਿਸਾਨਾਂ ਦੀਆਂ ਮੰਗਾਂ ਵੱਲ ਧਿਆਨ ਦੇਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਉੱਧਰ ਹੀ ਲੁਧਿਆਣਾ ‘ਚ ਕਿਸਾਨਾਂ ਵੱਲੋਂ ਬੰਦ ਦੇ ਐਲਾਨ ਦਾ ਸਿੱਧਾ ਅਸਰ ਮੰਡੀਆਂ ‘ਚ ਦੇਖਣ ਨੂੰ ਮਿਲਿਆ। ਮੰਡੀਆਂ ‘ਚ ਸਬਜ਼ੀਆਂ ਦੀ ਕੀਮਤ ਤਿਗਣੀ ਹੋਣ ਕਾਰਨ ਆਮ ਲੋਕਾਂ ਵੱਲੋਂ ਸਬਜ਼ੀਆਂ ਨਹੀਂ ਖ਼ਰੀਦੀਆਂ। ਫ਼ਿਰੋਜ਼ਪੁਰ ਦੇ ਕਸਬਾ ਮਮਦੋਟ ਦੀ ਸਬਜ਼ੀ ਮੰਡੀ ‘ਚ ਕਿਸਾਨ ਯੂਨੀਅਨ ਲੱਖੋਵਾਲ ਵੱਲੋਂ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਉੱਧਰ ਹੀ ਲੋਕਾਂ ਵੱਲੋਂ ਹਰ ਰੋਜ਼ ਦੀ ਤਰਾਂ ਹੀ ਸਬਜ਼ੀ ਖ਼ਰੀਦੀ ਗਈ ਤੇ ਬੰਦ ਦਾ ਅਸਰ ਦੇਖਣ ਨੂੰ ਨਹੀਂ ਮਿਲਿਆ।

Facebook Comments
Facebook Comment