• 2:05 pm
Go Back
barrels of bourbon in Kentucky river

ਵਾਸ਼ਿੰਗਟਨ: ਬੀਮ ਬੋਰਬੋਨ ਵੇਅਰਹਾਊਸ ‘ਚ ਬੁੱਧਵਾਰ ਨੂੰ ਭਿਆਨਕ ਅੱਗ ਲੱਗਣ ਕਾਰਨ ਕੈਂਟਕੀ ਨਦੀ ਵਿਚ ਹਜ਼ਾਰਾਂ ਲੀਟਰ ਸ਼ਰਾਬ ਵਹਾਅ ਦਿੱਤੀ ਗਈ। ਸ਼ਰਾਬ ਕਾਰਨ ਅੱਗ ‘ਤੇ ਕਾਬੂ ਪਾਉਣਾ ਮੁਸ਼ਕਲ ਹੋ ਰਿਹਾ ਸੀ ਜਿਸ ਕਾਰਨ ਕੰਪਨੀ ਨੂੰ ਇਹ ਕਦਮ ਚੁੱਕਣਾ ਪਿਆ। ਸਰਕਾਰੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵ੍ਹਿਸਕੀ, ਬੈਰਲ ਦੇ ਅਵਸ਼ੇਸ਼ਾਂ ਅਤੇ ਸੜ੍ਹੇ ਹੋਏ ਮਲਬੇ ਦੇ ਮਿਸ਼ਰਣ ਨਾਲ ਬਹੁਤ ਸਾਰੀਆਂ ਮੱਛੀਆਂ ਮਰ ਸਕਦੀਆਂ ਹਨ ਕਿਉਂਕਿ ਮਲਬੇ ਕਾਰਨ ਪਾਣੀ ‘ਚ ਆਕਸੀਜਨ ਦੀ ਮਾਤਰਾ ਘੱਟ ਜਾਵੇਗੀ।
barrels of bourbon in Kentucky river
ਮਿਲੀ ਜਾਣਕਾਰੀ ਅਨੁਸਾਰ ਵੇਅਰਹਾਊਸ ‘ਚ 45,000 ਬੈਰਲ (ਲਗਭਗ 71,54,428 ਲੀਟਰ) ਬੋਰਬੋਨ ਰੱਖੀ ਹੋਈ ਸੀ, ਜਿਸ ‘ਚ ਧਮਾਕੇ ਹੋ ਰਹੇ ਸਨ ਤੇ ਅੱਗ ਹੋਰ ਭੜਕ ਰਹੀ ਸੀ। ਇਸ ਲਈ ਸਥਿਤੀ ‘ਤੇ ਕਾਬੂ ਪਾਉਣ ਲਈ ਅੱਗ ਬੁਝਾਊ ਦਸਤੇ ਨੇ ਨੇੜੇ ਦੇ ਨਾਲੇ ਅਤੇ ਕੈਂਟਕੀ ਨਦੀ ‘ਚ ਹਜ਼ਾਰਾਂ ਲੀਟਰ ਸ਼ਰਾਬ ਵਹਾਅ ਦਿੱਤੀ।
barrels of bourbon in Kentucky river
ਕੈਂਟਕੀ ਊਰਜਾ ਤੇ ਵਾਤਾਵਰਣ ਮੰਤਰੀਮੰਡਲ ਦੇ ਬੁਲਾਰੇ ਜਾਨ ਮੁਰਾ ਨੇ ਕਿਹਾ ਕਿ ਇਸ ਪ੍ਰਭਾਵ ਨੂੰ ਘੱਟ ਕਰਨ ਲਈ ਅਧਿਕਾਰੀਆਂ ਨੇ ਘਟਨਾਸਥਲ ‘ਤੇ ਮੌਜੂਦ ਅੱਗ ਬੁਝਾਊ ਕਰਮੀਆਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਅੱਗ ਦੀਆਂ ਲਪਟਾਂ ‘ਤੇ ਪਾਣੀ ਨਾ ਪਾਉਣ। ਇਸ ਦੀ ਬਜਾਏ ਅੱਗ ਬਲਣ ਦੇਣ। ਜ਼ਿਆਦਾ ਗਰਮੀ ਨੂੰ ਦੇਖਦਿਆਂ ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਅੱਗ ਨਹੀਂ ਬੁਝੇਗੀ ਪਰ ਪਾਣੀ ਨਾਲ ਇਸ ਦੇ ਅਵਸ਼ੇਸ਼ ਨਦੀ ਵਿਚ ਮਿਲ ਜਾਣਗੇ ਜੋ ਠੀਕ ਨਹੀਂ ਹੈ।

ਮੁਰਾ ਨੇ ਕਿਹਾ ਕਿ ਹੁਣ ਤੱਕ ਕਿੰਨੀ ਸ਼ਰਾਬ ਅਤੇ ਮਲਬਾ ਰੁੜ੍ਹ ਕੇ ਨਦੀ ਵਿਚ ਪਹੁੰਚਿਆ ਹੈ ਅਤੇ ਇਸ ਨਾਲ ਜੰਗਲੀ ਜੀਵਾਂ ਨੂੰ ਕਿੰਨਾ ਨੁਕਸਾਨ ਹੋਇਆ ਹੈ, ਇਸ ਦੇ ਬਾਰੇ ਵਿਚ ਠੀਕ ਜਾਣਕਾਰੀ ਨਹੀਂ ਮਿਲੀ ਹੈ। ਬੈਰਲ ਅਤੇ ਉਨ੍ਹਾਂ ਦੀ ਵਿਸ਼ਿਸ਼ਟ ਮਾਤਰਾ ਦੇ ਆਧਾਰ ‘ਤੇ ਕਿਹਾ ਜਾ ਸਕਦਾ ਹੈ ਕਿ ਇਮਾਰਤ ਵਿਚ 23 ਲੱਖ ਗੈਲਨ ਤੋਂ ਵੱਧ ਬੋਰਬੋਨ ਰੱਖੇ ਸਨ।

Facebook Comments
Facebook Comment