• 4:19 am
Go Back
Amritsar train accident

ਅੰਮ੍ਰਿਤਸਰ: ਜੋੜਾ ਫਾਟਕ ਵਿਖੇ ਵਾਪਰੇ ਭਿਆਨਕ ਰੇਲ ਹਾਦਸੇ ‘ਚ ਮਾਰੇ ਗਏ ਲੋਕਾਂ ਨੂੰ ਇਨਸਾਫ਼ ਦਵਾਉਣ ਦੀ ਬਿਜਾਏ ਸਿਆਸਤ ਹੋ ਰਹੀ ਹੈ। ਇਸ ਤੇ ਸਿਆਸੀ ਪਾਰਟੀਆਂ ਆਪੋ-ਆਪਣੇ ਪੱਖ-ਰੱਖ ਰਹੀਆਂ ਹਨ ਜਿਸ ਦੌਰਾਨ ਨਵਜੋਤ ਸਿੰਘ ਸਿੱਧੂ ਨੇ ਪ੍ਰੈਸ ਕਾਨਫ਼ਰੰਸ ਕਰ ਕੇ ਕਿਹਾ ਕਿ ਉਹ ਇਸ ਹਾਦਸੇ ਕਾਰਨ ਅਨਾਥ ਹੋਏ ਬੱਚਿਆਂ ਨੂੰ ਸਾਰੀ ਉਮਰ ਲਈ ਗੋਦ ਲੈਣਗੇ। ਅੰਮ੍ਰਿਤਸਰ ‘ਚ ਪ੍ਰੈਸ ਕਾਨਫ਼ਰੰਸ ਨੂੰ ਸੰਬੋਧਨ ਕਰਦਿਆਂ ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਕਿ ਉਹ ਅਨਾਥ ਹੋਏ ਬੱਚਿਆਂ ਨੂੰ ਗੋਦ ਲੈਣਗੇ ਤੇ ਉਨ੍ਹਾਂ ਨੂੰ ਨਵਜੋਤ ਕੌਰ ਸਿੱਧੂ ਵੱਲੋਂ ਮਾਂ ਦਾ ਪਿਆਰ ਮਿਲੇਗਾ। ਇਸ ਦੇ ਨਾਲ ਹੀ ਕਿਹਾ ਕਿ ਜਿਸ ਪਰਿਵਾਰ ‘ਚ ਕੋਈ ਕਮਾਉਣ ਵਾਲਾ ਨਹੀਂ ਬਚਿਆ ਹੈ ਉਹ ਉਸ ਪਰਿਵਾਰ ਦਾ ਖ਼ਰਚਾ ਸਾਰੀ ਉਮਰ ਚੱਕਣਗੇ।

ਸਿੱਧੂ ਨੇ ਇਸ ਦੌਰਾਨ ਕਿਹਾ ਕਿ ਰੇਲ ਦੀ ਰੋਜ਼ਾਨਾ ਸਪੀਡ 30 ਕਿਲੋਮੀਟਰ ਹੁੰਦੀ ਹੈ ਪਰ ਇਸ ਹਾਦਸੇ ਵਾਲੇ ਦਿਨ ਰੇਲ ਦੀ ਰਫ਼ਤਾਰ 100 ਕਿਲੋਮੀਟਰ ਸੀ। ਐਫ਼ਆਈਆਰ ‘ਚ ਰੇਲਵੇ ਗਾਰਡ ਦਾ ਨਾਂ ਵੀ ਸ਼ਾਮਲ ਹੋਣਾ ਚਾਹੀਦਾ ਹੈ ਕਿਉਂਕਿ ਉਸ ਨੂੰ ਪਤਾ ਸੀ ਕਿ ਟਰੈਕ ਤੇ ਲੋਕ ਖੜ੍ਹੇ ਹਨ ਪਰ ਫਿਰ ਵੀ ਉਸ ਨੇ ਰੇਲ ਰੋਕਣ ਲਈ ਕੋਈ ਇਸ਼ਾਰਾ ਨਹੀਂ ਕੀਤਾ। ਇਸ ਦੇ ਨਾਲ ਹੀ ਰੇਲਵੇ ‘ਤੇ ਸਵਾਲ ਚੁੱਕਦਿਆਂ ਉਨ੍ਹਾਂ ਕਿਹਾ ਕਿ ਜੇ ਇੱਕ ਗਾਂ ਲਈ ਰੇਲ ਗੱਡੀ ਰੁਕ ਸਕਦੀ ਹੈ ਤਾਂ 200 ਵਿਅਕਤੀਆਂ ਲਈ ਕਿਉਂ ਨਹੀਂ ਰੁਕੀ? ਰੇਲ ਚਾਲਕ ਨੂੰ ਕਲੀਨ ਚਿੱਟ ਮਿਲਣ ‘ਤੇ ਕਿਹਾ ਕਿ ਰੇਲਵੇ ਨੇ ਡਰਾਈਵਰ ਦਾ ਨਾਂ ਜਨਤਕ ਕਿਉਂ ਨਹੀਂ ਕੀਤਾ? ਜੇਕਰ ਉਹ ਰੇਲਵੇ ਦਾ ਪੱਕਾ ਡਰਾਈਵਰ ਹੈ ਤਾਂ ਰੇਲਵੇ ਉਸ ਦਾ ਨਾਂ ਜਨਤਕ ਕਿਉਂ ਨਹੀਂ ਕਰਦੀ?

ਉਥੇ ਹੋ ਦੂਜੇ ਪਾਸੇ ਅਕਾਲੀ ਦਲ ਰੇਲ ਹਾਦਸੇ ‘ਤੇ ਸਿੱਧੂ ਜੋੜੇ ‘ਤੇ ਕਤਲ ਦਾ ਮਾਮਲਾ ਦਰਜ ਹੋਣ ਦੀ ਮੰਗ ਕਰ ਰਿਹਾ ਹੈ। ਇਸ ਤੋਂ ਇਲਾਵਾ ਹੋਰ ਨੇਤਾਵਾਂ ਵੱਲੋਂ ਵੀ ਸਿੱਧੂ ਜੋੜੇ ਨੂੰ ਹੀ ਇਸ ਹਾਦਸੇ ਦਾ ਜ਼ਿੰਮੇਵਾਰ ਮੰਨ ਰਿਹਾ ਹੈ ਹਾਲਾਂਕਿ ਸਿੱਧੂ ਜੋੜੇ ਵੱਲੋਂ ਇਸ ਤੇ ਲਗਾਤਾਰ ਸਫ਼ਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।

Facebook Comments
Facebook Comment