ਸੋਸ਼ਲ ਮੀਡੀਆ ਦੇ ਦੌਰ ‘ਚ ਆਏ ਦਿਨ ਕੁਝ ਨਾ ਕੁਝ ਵਾਇਰਲ ਹੁੰਦਾ ਰਹਿੰਦਾ ਹੈ। ਬੀਤੇ ਸ਼ੁੱਕਰਵਾਰ ਨੂੰ ਇੱਕ ਬਜ਼ੁਰਗ ਸੋਸ਼ਲ ਮੀਡੀਆ ‘ਤੇ ਉਸ ਸਮੇਂ ਛਾ ਗਿਆ ਜਦੋਂ ਉਨ੍ਹਾਂ ਦੀ ਪੋਤੀ ਨੇ ਸ਼ੇਅਰ ਕੀਤਾ ਕਿ ਉਸਦੇ ਦਾਦੇ ਨੇ ਗਲਤੀ ਨਾਲ ਦਹੀ ਸਮਝਕੇ ਲੱਗਭੱਗ ਅੱਧਾ ਡੱਬਾ ਪੇਂਟ ਹੀ ਪੀ ਲਿਆ।
ਨਿਊਯਾਰਕ ਦੀ ਰਹਿਣ ਵਾਲੀ ਏਲੈਕਸ ਸਟਿਨ ਨੇ ਟਵਿੱਟਰ ‘ਤੇ ਆਪਣੇ 90 ਸਾਲ ਦੇ ਦਾਦਾ ਬੌਬੀ ਦੀ ਤਸਵੀਰ ਸਾਂਝੀ ਕਰ ਲਿਖਿਆ ਕਿ ਅੱਜ ਸਵੇਰੇ ਗ੍ਰੈਂਡ ਪਾ ਪੇਂਟ ਨੂੰ ਦਹੀਂ ਸਮਝ ਕੇ ਖਾ ਗਏ। ਏਲੈਕਸ ਨੇ ਆਪਣੇ ਦਾਦਾ ਦੀ ਤਸਵੀਰ ਨਾਲ ਰੰਗ ਦੇ ਖਾਲੀ ਡੱਬਿਆਂ ਦੀ ਤਸਵੀਰ ਵੀ ਪੋਸਟ ਕੀਤੀ। ਉਸ ਨੇ ਦੱਸਿਆ ਕਿ ਦਾਦਾ ਜੀ ਨੂੰ ਹਾਲੇ ਤਕ ਇਸ ਦਾ ਕੋਈ ਵੀ ਸਾਈਡ ਇਫੈਕਟ ਦੇਖਣ ਨੂੰ ਨਹੀਂ ਮਿਲਿਆ।
https://www.instagram.com/p/BuNRlapnvqi/
ਹਾਲਾਂਕਿ, ਬੌਬੀ ਦੀਆਂ ਅੱਖਾਂ ‘ਚ ਧੁੰਦਲਾਪਨ ਆ ਗਿਆ ਪਰ ਪੇਟ ਦੀ ਕੋਈ ਸਮੱਸਿਆ ਨਹੀਂ ਹੋਈ। ਬੌਬੀ ਨੇ ਮਿੰਟ ਗ੍ਰੀਨ ਪੇਂਟ ਖਾਇਆ ਜੋ ਕਿ ਯੋਗਰਟ ਵਿੱਚ ਉਨ੍ਹਾਂ ਦਾ ਮਨਪਸੰਦ ਖਾਣਾ ਹੈ। ਏਲੈਕਸ ਨੇ ਦੱਸਿਆ ਕਿ ਹਰ ਹਫ਼ਤੇ ਉਸ ਦੀ ਮਾਂ ਸੱਤ ਡੱਬਿਆਂ ਵਾਲਾ ਵਨੀਲਾ ਡੇਨਨ ਯੋਗਰਟ ਦਾਦਾ ਜੀ ਲਈ ਲਿਆਂਦੀ ਹੈ।
ਏਲੈਕਸ ਦਾ ਕਹਿਣਾ ਹੈ ਕਿ ਦਾਦਾ ਜੀ ਹਮੇਸ਼ਾ ਲੋਕਾਂ ਦਾ ਮਨੋਰੰਜਨ ਕਰਦੇ ਰਹਿੰਦੇ ਹਨ। ਉਨ੍ਹਾਂ ਨੂੰ ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਲੋਕ ਉਨ੍ਹਾਂ ਬਾਰੇ ਕੀ ਸੋਚਦੇ ਹਨ। ਏਲੈਕਸ ਦੇ ਦਾਦਾਜੀ ਨੇ ਵੀ ਇੰਸਟਾਗ੍ਰਾਮ ‘ਤੇ ਲਿਖਿਆ ਕਿ ਮੈਂ ਯੋਗਰਟ ਦੇ ਬਜਾਇ ਗ਼ਲਤੀ ਨਾਲ ਪੇਂਟ ਖਾ ਲਿਆ। ਪੇਂਟ ਦਾ ਟੇਸਟ ਵਧੀਆ ਹੈ ਤੇ ਮੈਨੂੰ ਇਸ ਗੱਲ ‘ਤੇ ਪਛਤਾਵਾ ਨਹੀਂ ਹੈ ਕਿ ਮੈਂ ਅਜਿਹਾ ਕੀਤਾ।