ਟੋਰਾਂਟੋ: ਦੁਨੀਆ ਭਰ ਦੀ ਸੁਰਖੀਆਂ ‘ਚ ਆਉਣ ਵਾਲੀ ਸਾਉਦੀ ਅਰਬ ਤੋਂ ਭੱਜੀ 18 ਸਾਲਾ ਰਹਾਫ ਮੁਹੰਮਦ ਕੁਨਨ ਆਪਣੇ ਨਵੇਂ ਘਰ ਕੈਨੇਡਾ ਪਹੁੰਚ ਗਈ ਹੈ। ਸ਼ਨੀਵਾਰ ਨੂੰ ਟੋਰਾਂਟੋ ਏਅਰਪੋਰਟ ‘ਤੇ ਰਹਾਫ ਦਾ ਸੁਆਗਤ ਖੁਦ ਕੈਨੇਡਾ ਦੀ ਵਿਦੇਸ਼ੀ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਨੇ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਦਲੇਰ ਰਹਾਫ਼ ਹੁਣ ਕੈਨੇਡਾ ਦੀ ਨਾਗਰਿਕ ਹੈ। ਇੱਕ ਦਿਨ ਪਹਿਲਾਂ ਕੈਨੇਡਾ ਦੇ ਪ੍ਰਧਾਂਮਨਰੀ ਜਸਟਿਨ ਟਰੂਡੋ ਨੇ ਰਹਾਫ਼ ਨੂੰ ਸ਼ਰਣ ਦੇਣ ਦਾ ਐਲਾਨ ਕੀਤਾ ਸੀ। ਵਿਦੇਸ਼ੀ ਮੰਤਰੀ ਨੇ ਕਿਹਾ ਕਿ ਕੈਨੇਡਾ ‘ਚ ਰਹਾਫ਼ ਦੇ ਠਹਿਰਣ ਦਾ ਪ੍ਰਬੰਧ ਇਮੀਗ੍ਰੇਸ਼ਨ ਸੇਵਾ ਦੇ ਡਾਇਰੈਕਟਰ ਮਾਰਿਓ ਕੈਲਾ ਦੇਖ ਰਹੀ ਹੈ। ਸਭ ਤੋਂ ਪਹਿਲਾਂ ਰਹਾਫ਼ ਨੂੰ ਹਾਊਸਿੰਗ ਅਤੇ ਸਿਹਤ ਕਾਰਡ ਮੁਹਈਆ ਕਰਵਾਇਆ ਜਾਵੇਗਾ।
ਸਾਊਦੀ ਅਰਬ ਛੱਡਣ ਦੇ ਹਫ਼ਤੇ ਮਗਰੋਂ ਰਹਾਫ਼ ਤੀਜੇ ਦੇਸ਼ ਪਹੁੰਚੀ ਹੈ। ਦੱਸ ਦੇਈਏ ਯੂਨਾਈਟਿਡ ਨੇਸ਼ਨਜ਼ ਨੇ ਉਸ ਨੂੰ ਸ਼ਰਨਾਰਥੀ ਦਾ ਦਰਜਾ ਦੇ ਦਿੱਤਾ ਸੀ ਤੇ ਆਪਣੇ ਮੈਂਬਰ ਦੇਸ਼ਾਂ ਨੂੰ ਉਸ ਨੂੰ ਪਨਾਹ ਦੇਣ ਦੀ ਅਪੀਲ ਕੀਤੀ ਸੀ। ਕੈਨੇਡਾ ਨੇ ਯੂਐਨ ਦੀ ਅਪੀਲ ਮੰਨਦਿਆਂ ਰਹਾਫ਼ ਨੂੰ ਆਪਣੇ ਦੇਸ਼ ਵਿੱਚ ਰਹਿਣ ਲਈ ਸੱਦਾ ਭੇਜਿਆ ਸੀ।
#3rd country ✈️❤️❤️🍷 #i_did_it 💪🏼 pic.twitter.com/rFsqZpM02O
— Rahaf Mohammed رهف محمد (@rahaf84427714) January 11, 2019
- Advertisement -
ਬੈਂਕਾਕ ਛੱਡਣ ਸਮੇਂ ਰਹਾਫ਼ ਕਾਫੀ ਖ਼ੁਸ਼ ਸੀ ਤੇ ਉਸ ਨੇ ਲਗਾਤਾਰ ਟਵੀਟ ਕਰਕੇ ਆਪਣੇ ਨਾਲ ਵਾਪਰ ਰਹੀਆਂ ਘਟਨਾਵਾਂ ਦੀ ਹਰ ਸੂਚਨਾ ਪੂਰੀ ਦੁਨੀਆ ਨਾਲ ਸਾਂਝੀ ਵੀ ਕੀਤੀ। ਰਹਾਫ਼ ਪਿਛਲੇ ਹਫ਼ਤੇ ਸਾਊਦੀ ਅਰਬ ਤੋਂ ਫਰਾਰ ਹੋ ਕੇ ਥਾਈਲੈਂਡ ਆ ਗਈ ਸੀ। ਪਰ ਉਸ ਨੂੰ ਬੈਂਕਾਕ ਦੇ ਹਵਾਈ ਅੱਡੇ ‘ਤੇ ਕਾਬੂ ਕਰ ਲਿਆ ਸੀ ਤੇ ਵਾਪਸ ਸਾਊਦੀ ਜਾਣ ਲਈ ਕਿਹਾ ਸੀ।
I would like to thank you people for supporting me and saiving my life. Truly I have never dreamed of this love and support
You are the spark that would motivate me to be a better person❤️❤️❤️🗽
— Rahaf Mohammed رهف محمد (@rahaf84427714) January 11, 2019
ਰਹਾਫ਼ ਨੇ ਇਨਕਾਰ ਕੀਤਾ ਤੇ ਖ਼ੁਦ ਨੂੰ ਹੋਟਲ ਦੇ ਕਮਰੇ ਵਿੱਚ ਬੰਦ ਕਰ ਲਿਆ ਅਤੇ ਆਨਲਾਈਨ ਪ੍ਰੋਟੈਸਟ ਕੀਤਾ, ਜਿਸ ਵਿੱਚ ਵੱਡੀ ਗਿਣਤੀ ‘ਚ ਲੋਕਾਂ ਨੇ ਸਾਥ ਦਿੱਤਾ ਸੀ। ਪਹਿਲਾਂ ਲੋਕਾਂ ਨੇ ਸੋਸ਼ਲ ਮੀਡੀਆ ‘ਤੇ #SaveRahaf ਹੈਸ਼ਟੈਗ ਮੁਹਿੰਮ ਚਲਾਈ ਸੀ, ਪਰ ਹੁਣ #RahafSaved ਹੈਸ਼ਟੈਗ ਤਹਿਤ ਸੋਸ਼ਲ ਮੀਡੀਆ ‘ਤੇ ਖੁਸ਼ੀ ਪ੍ਰਗਟਾਈ ਜਾ ਰਹੀ ਹੈ।
ਕਦੇ ਵੀ ਘਰ ਵਾਪਸ ਨਹੀਂ ਜਾਣਾ ਚਾਹੁੰਦੀ ਰਹਾਫ਼
ਰਹਾਫ਼ ਦੇ ਅਨੁਸਾਰ ਉਹ ਆਪਣੇ ਪਰਿਵਾਰ ਦੀਆਂ ਬੰਦਿਸ਼ਾਂ ਤੋਂ ਪਰੇਸ਼ਾਨ ਸੀ। ਉਹ ਨਾਸਤਕ ਹੈ ਲਗਭਗ ਦੋ ਸਾਲ ਪਹਿਲਾਂ ਉਸਦੇ ਇਸਲਾਮ ਛੱਡ ਦਿੱਤਾ ਸੀ। ਉਸ ਵੇਲੇ ਉਹ 16 ਸਾਲ ਦੀ ਸੀ ਉਸ ਕੋਲ ਪਰਿਵਾਰ ਤੋਂ ਬਚ ਕੇ ਭੱਜਣ ਤੋਂ ਇਲਾਵਾ ਹੋ ਰ ਕੋਈ ਰਸਤਾ ਨਹੀਂ ਸੀ। ਹੁਣ ਉਸਦੇ ਕੱਟੜ ਪਰਿਵਾਰ ਵਾਲੇ ਉਸਨੂੰ ਮਾਰ ਦੇਣਾ ਚਾਹੁੰਦੇ ਸਨ ਇਸ ਲਈ ਉਹ ਕਦੇ ਵੀ ਪਣੇ ਘਰ ਵਾਪਸ ਨਹੀਂ ਜਾਣਾ ਚਾਹੁੰਦੀ।
